الاثنين، 28 يوليو، 2008

وعادت إلي صديقتي..وحشتوووني


من أجل زوبة عادت إلي ميمي
لا تتعجبوا لهذا الاسم فزوبة هي سيارة والدتي كانت قد انقطعت عن قيادتها منذ أكثر من سنتين حتى غادرنا السائق"سامحه الله" المهم قررت والدتي ألا تلجأ إلى استئجار أحدهم في القريب العاجل من كثرة المشاكل التي سببوها لنا وللسيارة
بالطبع جاء على هذا القرار كالصاعقة فأنا لم أتعلم القيادة بعد ووالدتي لا تستطيع القيادة الآن، إذاً على تحمل الضغط العصبي من ركوب الميكروباص وسيارات الأجرة "سامعه حد بيقول البت دي متدلعة"ماعلينا "ماهو اللي مايعرفش يقول عدس" فاجئتني والدتي بقرار قدومها إلى الكلية كعهدي بها في السنة الأولى بسيارتها حتى أن غاليتي سنووايت قلقت من هذا الأمر نظرا لتأخرها "سامعاك ياللي بتقول لحد دلوقتي أنا مش عارف أنتي مبسوطة ليه؟؟" صبراااااً
هل جربتم شعور العودة إلى الطفولة ،الفرحة بقدوم العيد، انتظار الكعك ، فانوس رمضان هكذا كان شعوري عندما جلستت للمرة الأولى منذ زمن بالمقعد الأمامي المجاور لمقعد السائق والآن كانت والدتي هي من بجواري"تحبي تروحي فين يا دكتورة" قالتها والدتي ضاحكة في انتظار أن أعطيها التعليمات بالمكان كما اعتدت مع سامح السائق " ياحلاوة يا ولاد اسمك بقى يتكتب في البلوج يا سامح".."يللا بينا على البيت ، أنا عايزة أوصل حتة واحدة" قلتها وأنا في قمة الرعب أن تكون قد نسيت القيادة ، لكن أبهرتني والدتي ماشاء الله أنها كما هي وبالتالي كان علي استغلال الفرصة وأطلب الذهاب إلى مكان غير تقليدي"رويال هاوس" وكلي فضول لأرى رد الفعل على وجهها "برده؟؟" لمعلوماتكم رويال هاوس هاايبر ماركت شبه سبينز بجوار منزلنا ، يجب أن أزوره يوميا فقط لأسير فيه وإن لم أشتري سوى عصير بيور"عشان الدايت"ذهبت أنا ووالدتي نتبضع للشهر القادم وقامت قبل ذهابنا بإملائي الطلبات وهي تقود وأنا أقوم بكتابتها وأضيف من عندي :)
قضينا حوالي ساعة بالسوبر ماركت رغم أن لا أحد يشعر بمثل هذه السعادة وهو في انتظار دوره في طابور "العيش" الدفع أو في انتظار الجبنة الفلامنك عشان يطلب بعد ده كله نص كيلو وعندما يتذوقه لايعجبه إلا أنني سعدت فقط لأنني خرجت اليوم في نزهة افتقدتها مع أعز صديقاتي ميمي وكل ده من أجل زوبة :).
وحشتووووني
كنت قد انقطعت عن التدوين الفترة السابقة لظروف مرت بي وأسألكم الدعاء بأن تنتهي على خير ان شاء الله
ولكنني من أجل عيون ست الكل عدت إلى التدوين مرة أخرى
أولا شكر لكل أصدقاء مدونتي الأعزاء : كم سعدت عندما قرأت تعليقاتكم وسؤالكم عني
عمو ،يمامة شاردة،حمامة، شكراً لقلقكم علي
وأعتذر لكل زوار المدونة عن عدم الرد لى التعليقات ، قريبا ان شاء الله سيتم التواصل مرة أخرى فأنا افتقدتكم أيضاً

هناك 24 تعليقًا:

سنووايت يقول...

حمدلله علي السلامة
المدونة رجعت تنور تاني يا شهرزاد
هو سامح هو اللي كان مانعك من التدوين ولا ايه هههههههههههههه
اكيد كان سادد نفسك بسواقته دي

المهم انك رجعتي تاني وبجد انا امبارح رجعت مبسووووطة جدا لما لقيت ميمي هي اللي جاية بالعربية :) افتكرت بقي ايام سنة اولي ذكرياااااااااات

سنووايت يقول...

انا اول تعليق
وتاني تعليق
ههههههههه

سنووايت يقول...

تخيلي بقي التالت كمان
معلش بقي اصل التعليقات عندك وحشاني
هههههههههههههه

سنووايت يقول...

هو فيه حل من اتنين
اما ان حد ييجي يعلق دلوقتي
واما تقفلي المدونة

سنووايت يقول...

خلاص بناء علي طلب الجماهير اللي لسة هيجوا يعني انا مش هاعلق تاني
كفاية عليكي كدة
احسن تزهقي وتقولي مش هاكتب حاجة تاني

شهرزاد يقول...

هههههههههههه
سكر يا سنوووي
وحشتيني والله أنتي وتعليقاتك
كويس انهم خمسة
عشان الحسد
على العموم لو ماحدش علق تعالي اعملي لي جو هنا بدل الصحراء اللي أنا فيها :)

HARD TIMES يقول...

الصديقة العزيزة شهر زاذ ليس هناك داعي الي الاعتذار فأنا الذي يجب عليه ان يعتذر لعد متبعتي اعمالك المتتعه
اتمني ان تقبلي اعتذار لي البعاد عن كل المدونات حتي مدونتي
تحية طيبة لكي
ولي عودة للقراءة

حمامة يقول...

حمدلله ع السلاااااااامة

اخيراً يابنتى

اهم حاجة اننا اتطمنا عليكي

انا خلاص كنت هابعت لسنووايت تطمنى
عليها

هننتظرك بقى :)

mohra يقول...

اعذرى جهلى
ميمى هى ماما مش كده؟؟؟

شهرزاد يقول...

hardtimes:
أهلا وسهلا ، نورت المدونة يا هارد وان شاء الله يتجدد التواصل مرة أخرى

شهرزاد يقول...

حمامة:
أهلا أهلاا ياقمر
ميرسي على سؤالك وقلقك
وان شاء الله مش هختفي تاني كده
دمتي بكل الود

شهرزاد يقول...

مهره:
نورتي المدونة
آه ميمي ده دلع مامتي
أي خدمة :)

son's egypt يقول...

اسلام عليكم
حمد الله علي السلامة
وسلامة زوبه

عمو يقول...

حمدلله على السلامة

نورتى عالم التدوين

ماتتأخريش كتير كدة بتقلقينا عليكى
..........................
كنت قد انقطعت عن التدوين الفترة السابقة لظروف مرت بي وأسألكم الدعاء بأن تنتهي على خير ان شاء


ان شاء الله تعدى على خير
ربنا معاكى
..........................

وربنا يباركلك فى زوبة
وما يحرمكيش من ميمى

:)

سعيد بعودتك

تحياتى وتقديرى

امرأة تقول الذي لا يقال يقول...

انا ماشوفتش مامتك إلا مرة واحدة بس فعلا بحبها

ربنا يخليها لك

funckydoctor يقول...

افتقدناك كثيرا
أنا حاسس بفرحتك فعلا
يا رب دايما على طوول
وربنا معاكى يا رب

يمامة شاردة يقول...

حمدا لله على سلامتك يا جميلة

وحشتينا :)


حلوة مذكرات زوبة و ميمي و لولو ;) دي

ربنا يخليكم لبعض



ماتغيبيش علينا بأه

حمامة يقول...

يابنتى انتى بتفيبي فين بس
ولو فى سبب يعنى
يبقى ربنا معاكى يارب ويوفقك
ويعينك ع اللى انتى فيه

:)

شهرزاد يقول...

son`s egypt:
الله يسلمك وزوبة بتسلم عليكوا كلكوا :)

شهرزاد يقول...

عمو:
ميرسي أوي على الدعوات الجميلة دي
معلش وعدتكم اني مش هنقطع وجيت تاني اختفيت المرة دي مجبرة فعلا ، الامتحاانات بتاعتنا اللي مابتخلصش :(
ادعوا لي

شهرزاد يقول...

امرأة تقول الذي لايقال:
ربنا يخليكي يا قمر
بجد وهي كمان بتحبك جدا وبتقول عليكي رقيقة أوي
أيوا ياعم ;)

شهرزاد يقول...

funkydoctor:
شكرا يا دكتور وربنا يسعد الجميع
تحياتي

شهرزاد يقول...

يمامة شاردة:
خلاص مادام عجبتكم الأيام اللي فاتت حصلت لنا مغامرات
هعملها سلسة من حلقات :)
دمتي بكل الحب يا يمامتي الرقيقة

شهرزاد يقول...

حمامة:
:( معلش والله الامتحانات تسد النفس
بس فعلا التدوين وحشني أوي ووحشتوني أنتوا كمان
دعواتكم
تحياتي يا أميرة الرومانسية