أنا زعلانه من الدنيا يافاطمة
دي أول كلمة جت على بالي لما فاطمة سألتني مالك؟؟؟
ساعتها افتكرت فيلم العشق والهوى
بجد أنا زعلانه من الدنيا اوي
دي أول كلمة جت على بالي لما فاطمة سألتني مالك؟؟؟
ساعتها افتكرت فيلم العشق والهوى
بجد أنا زعلانه من الدنيا اوي
الحمــد لله
هناك 35 تعليقًا:
زعلانة من الدنيا وبتقولي الحمد لله
باذن الله تقدري تهزميها وتفرحي وتفرحيها
تحياتي
تعرفى
انا بموت ف الجملة دى
معلقة معايا اوى
ودايماص تيجى ف بالى اول ما حد يسألنى مالك
انا كمان زعلانة
لا كلنا
ربنا يوفقك وييسرلك الأمور
وابقى طمنينا عليكى
:)
أهم حاجة في البوست عنوانه :)
و الأهم إنك تحسيها أوي وتبقى طالعة من قلبك
ربنا يريح قلبك .. ويصالحك على الدنيا
اولا اسمحيلى أحيكى على صراحتك فى البوست اللى فات
فعلا لكل عمر وسن مباهجة - بس لو شوفناها
لو عيشنا سننا زى ما هو
أو بشكل عام عيشنا حياتنا زى ما هيا ، نعم قد نتمرد على أوضاع قد لا تتناسب معنا ولكن من منطلق رضا وليس من منطلق أندفاع فقط
ويبقى لكل الفصول كيانها ورونقها الذى يميزة عن غيرة
صيف عتىْ
وربيع مبهج
وشتاء نشط
وخريف هادئ
لكن
لية زعلانة من الدنيا
مالها الدنيا بس؟
طب هيا الدنيا اية غيرنا احنا البشر بخيرنا وشرنا بحبنا وغيرتنا
الدنيا ما هى إلا جمع متناقضات
لية عاوزين حلوها بس
انا مش بلومك
لكن
بالراحة شوية على نفسك
الدنيا يعنى الناس
والناس يعنى حلو ووحش
ولازم نعرف نتعايش مع دة
لأننا مش هنقدر نغيرة
وكفاية اننا نبقى راضيين عن نفسنا
ونحاسبها لما نغلط ونصحح الغلط لو قدرنا
ونطلب من الله
انة يبين لنا حكمتة
اللى بتوة عننا كتير
ترفقى بنفسك كى تستطيعى الرفق بالآخرين
شكرا على زياراتك
وسؤالك
وهقولك تانى
ابتسمى ، ودهى الأيام السيئة تمر
ممكن ؟؟
:)
تحياتى وتقديرى
ودمت ِ بكل سعادة ورضا
أنا كمان زعلانة من الدنيا
فاطمة
كلماتك قوية جداً
زعلانة من الدنيا
كلمه لمست مواقف صعبة جدا داخل كل قلب فينا انجرحنا منها وشفنا الاسي منها
لكن هل هي وحدها تقدر تقسي وتجرح
للاسف يا شهرذاد الناس اللي عيشه فيها هي السبب هي متقدرش تعمل اي حاجه هي لا حول لها ولا قوة
نعيبُ زماننا والعيبُ فينا
وما لزماننا عيبٌ سوانا
ربنا يريح بالك ياجميله
ومتزعليش ابدا
وياترى زعلانة ليه
وليه تزعلى بس
يارب هيا كمان ماتزعلش منك وتقولك اتفلقى
:s
unique:
اكيد زعلانه منها وفي الوت نفسه خايفة اكون بتبر على نعم ربنا الكتير
ربنا يتقبل دعاءك يا يونيك شكرا ليك بجد
تحياتي
حمامة: اللهم امين يا حمامة ان شاء الله فترة وتعدي
وانا كمان مش عارفة ليه الكلمة دي معلقة معايا وفعلا كانت الصدفة ان صاحبتي اللي سألتني وقتها كان اسمها فاطمة
يمامة شاردة:
والله أنا بعد ماحسبتها لقيتها ماتستاهلش يا يمامة وان ربنا أكرمن ي بحاجات كتيرة جدا تستاهل الحمد والشكر لكن برده مش قادرة امنع نفسي من الزعل
عمو:
الحمد لله انا لبوست اللي فات عجبك ويهمني ان استفيد فيه من خبرتك
اما بالنسبة للزعل انا مش زعلانه من الناس قد من انا زعلانه من نفسي
الحمد لله
دمت بخير
فاتيما:
سلامتك من الزعل
ماحدش مرتاح
هارد تايمز:
كفاية الكلمتين دول فعلا
نعيبُ زماننا والعيبُ فينا
وما لزماننا عيبٌ سوانا
فعلا العيب فينا احنا اننا مش قادرين نفهم الدنيا صح لحد دلوقتي
دودو:
اللهم امين يا ددو
راحة البال نعمة من الرحمن
wanna be a physician:
عارف لما تبقى جواك حاجات كتيرة خانقاك
وتيجي حاجة تكمل عليك
اهو ده اللي حصل
بس اكتشفت في النهاية ان مافيش حاجة تستاهل زعلي ولايوم واحد من عمري اضيعه
funkydoctor:
هههههههه
ماهي قالتها من زمان
بس انا افدر برده اقولها اشربي من البحر
لسة شايفة الفيلم النهاردة رغم انه مش جاي في وقته
وبحب اوي مني ذكي وهي بتقولها بس عارفة لما فكرت فيها اكتر من مرة يا شهرزادي لقيت ان الدنيا هي الايام اللي بتمر والاحداث اللي بتحصل يعني هي الدهر وهي القدر والاتنين من عند ربنا
اوعي تزعلي منها لان الدنيا ربنا اللي عملها علشان نعيش فيها , ودايما افتكري انها رحلة قصيرة اويييييييي وان الايام عمرها ما بتقف عند حدث معين , الايام بتعدي وبتسيبنا احنا واقفين مكاننا , يعني لازم نجري ونلحقها قبل ما تسبقنا هي وتخلص ونلاقي نفسنا في دنيا تانية اقصد حياة تانية وعالم تاني
انتي عارفة اني الكلام دا هو اللي مخليني قادرة اكتب واتكلم واضحك لحد دلوقتي رغم كل اللي حصل وكل اللي بيحصل وعارفة اني لسة ياما هاشوف من الدنيا اد اللي شفته وعشته اضعاف اضعاف
بس انا بقيت بافتح لها دراعاتي واقولها هاتي كمان ان شاء الله هابقي اد اللي يحصل , ومهما حصل تاكدي ان ربنا عمره ما بيسيب حد لوحده طالما انه ما بيبعدش عنه
وزي ما دايما بأقولك يا اعز الناس .. مفيش حاجة صغنونة اد كدة بتحصل الا وليها معني وفيها حكمة بنعرفها وقتها او بنعرفها بعد كدة بس ما فيش حاجة في الدنيا بتحصل هباء ومن غير سبب حتي التعليق الطويل الممل اللي انا كتبته دا :)
اوعي تزعلي من الدنيا
لانها ماتزعلش
هي مش بتديكي غير من اللي بتديهولها
مدونتك جميلة قوي
تحياتي
أبنتى الغالية/ شهرزاد
قديما قال أبو العتاهية فى قصيدة عن الزهد و التصوف
"تعبا كلها الحياة ..فما أعجب إلا من راغب فى ازدياد "
و على العموم الدنيا مرحلة و دار أختبار و الكيس الفطن من ينجح فى الأختبار و المصالحة مع الله تساعد جدا على راحة البال
أبنتى الغالية أنى أنصحك و نفسى من البعد عن الزعل لأن ليس من ورأه سوى المرض ..
يكفينا أن نقول الحمد لله فهى نعمة من الله أن نحمد الله
دمتى مدونة راقية
السلام عليكم
حبيبتى اعتقد انى مافيش حاجة فى الدنيا ابدا تستاهل الزعل ولو ان الدنيا دى مزعلة الكثير ربنا يعنا عليها
ربنا يفرج عنك وعن كروب المسلمين
تحياتى
سنووايت:
أميرتي الصغيرة، أنا الحمد لله خرجت من الحالة اللي كنت فيها
أكيد كل شئ بيحصل في حياتنا له سبب حتى لو ماعجبناش في ساعتها بس أكيد في حكمة عند الله عز وجل فيها، يمكن عشان ناخد من يومنا عبرة لغدنا
مهما حصل ومهما انكسرنا بنقوم نقف تاني لكن لازم كل شئ ياخد وقته حتى الحزن شم لازم نسيبه يلتهمنا لكن برده لازم كل حاجة تاخد حقها حتى لو كانت محزنة لقلوبنا
شكراً غاليتي على كلماتك وتشجعيك لي دوماً، دمتي بكل الود والحب
مصطفى السيد:
نورت المدونة وشكرا على كلماتك
بس أنا متفقة معاك في ان الدنيا مش بتدي غير اللي بنديهولها
ساعات الدنيا بتاخد منا حاجات كتيرة وتدينا حاجات اكتر وساعات العكس
صح في توازن، وماحدش بياخد كل حاجة
تحياتي
أبو خالد:
"تعبا كلها الحياة ..فما أعجب إلا من راغب فى ازدياد "
الله أان قريت المقولة دي زمان، أنا لما بقع في مصيبة او شمكلة بقول الحمد لله بس للأسف ساعات بنسى وبتاخدني ثورتي وغضبي على الظروف، لكن في النهاية لازم الانسان يلجأ إلى الله عز وجل فهو وحده القادر على ايجاد الحلول لنا، فقط لعينا أن ناخذ بالأسباب ونتوكل على الله
شكرا على كلماتك وتقديرك
شرفتني زيارتك
عفراء:
اللهم آمين ، شكراً على دعاءك
على فكرة اسمك جميييل أوي
تحياتي
النفس تبكي على الدنيا وقد علمت .. ان السلامة فيها ترك ما فيها
ايه الحكم اللى انا بقولها ده .. بقيت شيخ وانا معرفش ..
عامة مش هقول غير ربنا يجعل ايامك الجاية سعادة !
انتى زعلانة من الدنيا امال انا اعمل ايه؟
من أول وهله دخلت فيها عى البلوج وانا حسيت بحالة صفاء مع النفس ولاول موضوع بدأت اقراه اتأكدت من الاحساس ده
ربنا يديم عليكي نعمة الاحساس ويبعدك عن الضيق والهم...(اتركي أمور الدنيا هاتجيلك راكعه)
خالص تحياتي
صالحى نفسك على نفسك تتصالحى مع الدنيا ربنا يشرح صدرك ويريح بالك ويحقق ليكى السلام الى بتتمنية
أجمل كلمه قولتيها وختمتى بيها
الحمد لله
أنا عارفه إن الدنيا مافيهاش حاجه تخلى الانسان سعيد بس يكفيكى سعادة وفرحه إن فى الدنيا دى بتعبدى الرحمن وتسمعى كلمة الله اكبر خمس مرات فى اليوم
حسيها بجد وأنت هتبقى أسعد مخلوقه
ربنا يزيح عنك أى حزن وينعم عليكى براحه البال
بنزعل من الدنيا اوي وناخد على خاطرنا بس أول ما تصالحنا بفرحة صغيرة او ابتسامة او اي امل صغير بنرجع نصالحها ونحبها تاني ومش بنتعلم انها مش لينا
الف سلامه عليكى من الحزن ياوردتى الرقيقه ....قلبى ودعواتى دائما معكى
وانشاء الله بكره حيكون اجمل وخلى عندك امل فى الله وفى ان اللحظات السعيده اللى لسه ماعشناهاش
على فكره ....ممكن تتقبلى اهدائى لكى للتاج بس مش دلوقتى لما تكون فاضيه ومخلصه امتحاناتك على خير والتاج مستنيكى فى اى وقت انا اهديته لك ولسنووايت لانكم زهور التدوين الرقيقه اللى لسه بتتفتح وبعتز بيكم اوى بس مش عارفه افتح مدونه اسنووايت مش عارفه ليه عموما بلغيها لحد ماروح لحد عندها اهديه اليها
تحياتى ومحبتى الدائمه
إرسال تعليق