الأحد، 23 مارس 2008

ياللا بينا على المريخ


في إحدى الصحف اليومية
كتب أن وكالة ناسا الفضائية ترسل بعثات إلى الفضاء الخارجي لاستكشاف احتمالية وجود عوالم أخرى
وإذا كانت هذه الكواكب صالحة لحياة البشر

في الواقع أثار الموضوع فضولي

هل سيأتي يوما نقرأ فيه تعلن شركة نيلكو عن تنظيم رحلات إلى المريخ أو القمر أو لربما زحل

وعلى الراغبين في السفر الاسراع بالحجز على أول مكوك

تبدأ الأم في تحضير الطعام لأفراد اسرتها المكون من 3 أنبوبات غذائية متكاملة تحتوي على مادة هلامية ملونة خاصة بالأطفال

ويبدأ الأب في تحضير مستلزمات السفر

ملابس الفضاء

أنابيب للتنفس والتأكد من صلاحيتها والخرطوم أيضا

لاتنسى الخرطوم فقد يكون مسدودا أو معيوبا

اذا توكلنا على الله

في المطار تبدأ عملية التفتيش الذري وأي هارب عن القانون يتم ظبطه عن طريقة بصمة العين بواسطة اشعة الليزر

وجزاؤه المحتوم هو فقع احدى عينيه

هذا لايهم

المهم هو الاستمتاع بجو الرحلة

وبالطبع بعد التجهيزات يبدأ الركاب في ركوب المكوك بالأمام تجد درجة رجال الأعمال والبيزنس

وبالخلف"الترسو" الطبقة العاملة المتوسطة" حتى في المريخ

يهم المكوك بالصعود

وينادي الطيارالآلي سيداتي سادتي يسعد شركة نيلكو للفضاء الخارجي أن تعلن قيام رحلتها المكوكية رقم 707 عن الاقلاع

ويبدا العد التنازلي

5

4

3

2

1

انطلاااااق

بس ياترى يا هل ترى
رغيف العيش هيبقى في المريخ بكااااام؟؟؟؟



هناك 8 تعليقات:

KHALED يقول...

قبل أن نذهب الى المريخ ؟؟؟ ترى هل رأينا الصين والهند هل زرنا جبال ألالب هل تهنا فى أدغال أفريقيا
أعتقد أننا يجب أن نرى ألارض قبل أن نحمل هم ثمن رغيف العيش عالمريخ
عموما فكرة مجنونة لذيذة
تحياتى

سنووايت يقول...

يلا انا اول المسافرين
ممكن حتي نبقي نروح في الويك اند

الفارس الملثم يقول...

ياريت تحجزلنا تذكرة , بس ربنا يستر ومنلقيش سيادته هو وباشوات الحزب الوطني سبقونا هناك ..

بالنسبة للعيش ده ايجيلهم مصلحة لانه ايواكب سياستهم الحكيمة في تصغيره وايبقي قد قرص الاسبرين ..

سلامممممممممم

مدحت محمد يقول...

ههههههههههههه
مش هيسيبونا صدقينى وهيجولنا فى المريخ
ويغلو الزيت والسكر
ويعملولنا بطاقة تموين فوق
هههههههههه
تحياتى

الطائر الحزين يقول...

كدة هتفتحى عنيهم على المعلومة دى
هيقولوا بعد كدة اللى ميعجبهوش العيش فى الارض يروح يعيش فى المريخ

لان البحر اللى كنا بنشرب منه خلص


تحياتى

Empress appy يقول...

ما تاخدى عيش من على الارض هى زنقت يعنى ههههههههههههههههه

بس عموما بما انى عايشه فى كوكبى هناك هيبقى بخمسه قروش رختاريه مريخيه لان الفياكين الفضائيه عاملين دعم على العيش وبدون سرقه ههههههههههههه

Desert cat يقول...

انا عايزة اروح زحل
احجزى لى على طول مكوك فضاء

د/اجدع بنوته يقول...

يادماغك ياشهر يااوختى

دى هتبقى حياه زى الفل

مين عارف

ف 2000 كان الموبايلات ده حلم

وف 2008 بقى كل مواطن موبايل

ليه لا ميكنش ع 2030 ان شاء الله

التصييف ف المريخ والمشترى